केशव ऊर्फ बंडू गोरे हे भारतीय स्वातंत्र्यलढयातील लढाऊ क्रांतिकारक आणि महाराष्ट्रातील समाजवादी पक्षाचे खंदे कार्यकर्ते. समाजातील मूलभूत गरजांची पूर्ती व्हावी, व्यक्ती म्हणून समाजातील सर्व स्तरांतील प्रत्येकाचा विकास व्हावा असे ते मानत. त्यांचा क्रीडा, कला, वक्तृत्व, साहित्य यांचा व्यासंग दांडगा होता. प्रबोधन, लोकसहभाग आणि प्रत्यक्ष कृती यावर त्यांचा भर असे. लोकशाही समाजवादावर त्यांची नितांत निष्ठा होती.